2008年10月31日星期五

宣傳單張

 呢度好多住宅大廈入口出面有一個架俾人擺宣傳單張。好似我嗰度日頭可以自出自入,咁就冇呢個架。宣傳單張可直接放入信箱,但係有時驚死你睇唔到,佢哋用膠袋掛喺你門口。真係擔心如果有一日遠行,啲人知我唔喺屋企,賊人咪有機可乘?

商品及服務稅

同德國比呢度好多嘢都貴啲,可能好多嘢都係由德國入口。同埋商品及服務稅德國係平啲。(德國:7%19%,奧地利:10%20%)
點分呢? 10% 係生活必需食品,書籍(可能係鼓勵人睇書)。例如薯片(冇益)就要20%稅。
好似我買咗煉奶同廁紙,煉奶10%稅,廁紙20% 稅。咁就俾咗 0.49euro稅。
因為怕你逃稅,外國(EU以外)郵購嘅嘢都要收噃稅。好似有次喺美國amazon買英文書,點知呢度要收噃稅,喺郵局交錢,郵局仲要收6 euro 手續費。My god!
: 克羅地亞商品及服務稅係22%,但係啲嘢仍然平過奧地利。

外賣包裝

 大家估下呢包係乜嘢???????????????
打開.................................................
 有一條硬卡紙做嘅拱橋...................

登登! 係一件西餅
呢度外賣西餅好小用紙盒,就咁包住,仲要冇膠袋,要托住件嘢返屋企。
( 呢件西餅: 1.90 euro)

2008年10月30日星期四

我顎下顎下遊Mödling








由我屋企搭半個鐘火車就可以去到下奧地利州Niederösterreich 嘅Mödling。呢度冇乜特別,但可以感受到小鎮氣息。我顎下顎下,見到有黑色蕃茄。( 右下角)

奧地利冇咁美國化

奧地利冇德國咁美國化。除咗冇冬甩專門店Dunkin'Donut外,Bagel專門店又係冇,Pizzahut都冇。仲有KFC喺奧地利有咗唔係好耐。
呢度啲人唔係咁鍾意去麥記,Burger King。佢哋俾多小小錢都可以喺餐廳食。麥記一個餐5-7euro。茄汁另外加錢。麥記嘅電視廣告強調使用奧地利國產貨。

最平嘅1euro食品

去邊度買冬甩呀?

 (picture from internet)
喺香港時不時幫襯嘅Krispy Kremeg執咗笠。第日去邊度買冬甩呀? 呢度唔似德國有冬甩專門店Dunkin'Donut。要買冬甩可以去麵包舖,美式cafe,麥記,Burger King.. 當然款式冇咁多。
講開麵包舖,呢度啲麵包係擺喺玻璃櫃入面。初黎步到,唔知啲麵包名,唯有指指點點。今日發現屋企附近開咗間由德國引入嘅自助式麵包舖,唔知可唔可以改變到奧地利人嘅生活方式呢?
 傳統麵包舖

自助式麵包舖

2008年10月29日星期三

銀行員工同人唔同命


我覺得呢度啲銀行好歎,五天工作,8點,3點就刪門,中間一個鐘刪門食lunch。唔使著制服。櫃檯服務只有兩三個窗(open counters),好多時仲唔係single queue,做嘢慢慢黎,數錢逐張逐張攤喺檯面。
自助銀行服務除咗攞錢入錢(ATM最多攞400euro),仲有入銀仔機、印結單機。
呢度打工仔非常幸福。五個禮拜大假,14個月糧。
香港某大銀行員工,慢小小就俾人催三催四,得12個月糧,死sellsell, 驚住唔到quota連份bonus都冇埋。真悽慘.
 入銀仔機
印結單機

溫莎堡

 倫敦去溫莎非常方便,由火車站行到溫莎唔係好遠,衛兵交更就係隔離行過。呢個可以彌補喺白金漢宮遠距離睇交更嘅失落。


2008年10月28日星期二

奧地利國慶日(3)之『收穫』

今日國慶撞正禮拜,咁啲奧地利人就小咗一日假期囉. 呢度唔興補假架!
喺呢啲活動好多時會有小禮物. 清單:
環保袋, 剷擋風玻璃積雪嘅剷, 貼紙, 鉛筆, 原子筆, 薄荷糖, Post-it, 膠布, 匙扣, 火柴, 火機, 親筆簽名相, 明信片, 橡皮糖, dum dum, 頸繩, 手帶.

奧地利國慶日(2)





除咗Hofburg嘅慶祝活動外,成日有活動搞嘅Rathausplatz一樣有慶祝活動. 唔同嘅政府部門喺佢地嘅攤位介紹佢地嘅服務.
政府辦公室亦有開放. 我去咗參觀 Kanzleramt總理府同外交部. 仲同外交部長頃咗幾句. 總統府條隊好長,冇去到.
好多博物館今日都免費, 我就去咗 Österreichische Nationalbibliothek國立圖書館同MAK.



 國立圖書館


 MAK
 中間嗰位女士係外交部長

 總理府
好多建築物都掛咗國旗.

奧地利國慶日(1)









今日國慶正日, Hofburg比尋日多咗好多遊人同軍人. 官方活動包括奧地利總統檢視軍隊, 總統, 國防部等發言. Highlight係新入伍軍人宣誓效忠奧地利,保衛國土.