火辣Salzburg

呢排出多咗煮嘢食,人氣都冇乜升喎. 都係講吓遊山玩水先.

其實星期一去咗Salzburg四日三夜.

今次我試搭慢車,原本三個鐘唔使轉車,變咗六個鐘轉兩次車.尾段嗰架仲要係冇冷氣,一上車已經好焗. 好彩啲窗可以開,火車行駛時有啲生風入.

咁好天嘅唔好處係好鬼熱.呢度已經比維也納涼啲(天氣報告話).我估呢幾日都有三十度.

因為搵廁所,去咗Schloss Mirabell隔離間大學,見有個舞台設計展覽,啲模型整得好細緻架. 順便推介吓呢度個廁所.

行過Schloss Mirabell都要影番幅相嘅.

似唔似粵語武俠殘片啲乜乜功呢!

呢個時候嚟Salzburg緊係喺Dom教堂前起緊舞台. 個道具整得好靚.

第一日喺Kapitelplatz見準備緊個Designermarkt. 臨走嗰日先開檔.嗰朝都去八吓. 個market似中檔跳蚤市場,我覺得冇嘢好睇.

上次嚟Salzburg知Residenz會有個雕塑.今次特登去睇吓. 呢次係個我以前香港番工日日用嘅嘢.個架仲係一樣添.好有親切感.

嚟過Salzburg好多次. 搵吓有乜地方未去過.

於是搵咗個玩具博物館行.

見到呢個,令我諗起細個都有玩呢種積木.當然冇咁大座啦.我記得我嗰時唔係有好多舊架.

博物館主力都係洋娃娃.

木偶.

有得試玩啲老土玩具.

博物館另一層係關於馬戲團.

博物館冇幾遠有lift (MönchsbergAufzug)上山, 2.90歐來回. 一出lift就係Museeum der Moderne.

我冇入去睇. 只係想嚟睇吓個景.

第一次喺呢邊望城堡.個景好靚.又一推介!!

睇人啲blog話遊船河好悶架.所以我都從未搭過.