2012年1月23日星期一

科隆雜亂記

恭喜發財! 
過咗個禮拜半公半私去咗科隆. 年初一晚會坐夜車返維也納.
到步嗰日係星期日朝早九點幾.  諗住買定張週票,但係太早火車站個counter未開. 用機佢又唔收外國卡or信用卡. 咁去邊度搵廿幾歐銀仔去入吖!!!  第二日去住嗰頭間公交customer centre買啦, 又係唔收外國卡or信用卡,要去撳咗錢先. 真係唔方便. 


今年科隆有個中國年. 係慶祝同北京建立友好城市25年. 我以為有農曆年慶祝活,睇佢啲 programmes只係啲講座.

住嗰頭啲藝術壁畫




科隆執金袋. 

睇英國blog友去TK Maxx一定有收穫. 知道科隆都有分店,今次我都去見識吓. 


佢個格局有啲似outlet. 我就冇乜耐性去慢慢摷. 只係喺廚房用品部買咗呢個. (冬日限定版玉桂蘋果味牛奶係喺一間local超市買)


第一日朋友們話去食咖哩.


印度飲料我只知mango lassi.


我好想食好薄好薄又脆嘅片但係唔知叫乜喎. 睇個menu個形容似係Pathora. 可惜上枱唔係我想要嘅嘢. 呢個
印度薄餅我耐唔耐自己都會買.


主菜雖然唔同名,但係同一顏色同一味道. 我買咖哩自己煮好食過佢.
甜品係浸咗蜜糖嘅波波,唔係太啱口味.


餐後有香料食清清口氣. 每人廿歐,正常價錢. 但係呢間我唔會有下次.


喺住嗰頭有大發現,好熟識嘅食品.


1.8歐一件,細細個(好似細過HK KFC嗰啲). 凍嘅,個皮都仲脆. 都好食.

喺科隆幾日幫襯咗三次. 一次係堂食,仲暖架. 間嘢仲有賣葡國葡萄酒.

入貨係指定動作,除咗洗頭水,嗽口水,德國杯麵.... 仲買咗飲品托返維也納. 

去英國超市又係指定動作, 見有唧唧裝糖膠好喎. 返維也納整西多食先. Mint jelly係見有晚會煮羊食所以買. 但係德國friends話咁古怪,一啖都唔試喎,真係保守. 我覺得幾好食吖.   Lemon curd未食過,早餐搽麵包都OK. 另外local超市見迷你版可樂. 出咗三款. 一於要搵埋剩低嗰個.

呢次去科隆問咗地膽blog友邊間亞洲超市多啲港貨. 佢介紹去呢間.


好滿足啊. 另外喺一間cafe見到miss咗嘅罐.


今次我都有買精記蛋卷. 有買過都知佢係方蓋加圓蓋嘅古老packing. 但係佢個圓蓋襟唔實,漏咗氣. 啲蛋卷淋淋地. 我仲買咗兩罐. 唔知另一罐會唔會都係咁.

27 則留言:

  1. 恭喜發財, 身體健康...

    T.K. MAXX 真的是要慢慢找的...

    BTW, 你想食的可能就是 Papadom
    [版主回覆01/23/2012 21:49:05]恭喜發財!! 係Papadom喇.

    回覆刪除
  2. 成廿蚊一個葡撻呀~~~~~~~~
    一丁有冇黑色包裝豬骨湯底果隻賣呀?
    [版主回覆01/23/2012 22:51:50]唔記得咗.
    [Gael回覆01/23/2012 21:59:22]係呀,魚哥咪講過囉
    [版主回覆01/23/2012 21:56:14]廿蚊一個葡撻你用歐洲一件cake都2歐幾3歐o既價錢比就唔覺貴架喇. 黑色包裝?新出架?

    回覆刪除
  3. 恭喜發財 ^^
    祝你同家人龍年好運! 身體健康!! 如意吉祥 !!!
    [版主回覆01/25/2012 04:55:44]恭喜發財

    回覆刪除
  4. 祝你龍馬精神,萬事勝意,如意吉祥

    你都買咗唔少野喎
    [版主回覆01/25/2012 04:57:02]吉喼去,full喼返

    回覆刪除
  5. 嘩你今次收穫都唔少喎 , 精記蛋卷我已開嚟食真係唔錯喎 , 你話今次買咗罐淋淋地的蛋卷 , 可不可以在焗爐焗番佢脆啲0架 .
    [版主回覆01/25/2012 05:00:07]其實我o個d係鳳凰卷. 我焗番佢仲衰. 一粒粒d糖熔咗.

    回覆刪除
  6. 你都無養狗﹐點解對執金袋o甘有興趣架?
    o甘好又去工出﹐似私人旅行都過工作o窩﹐ 你公司仲有無空缺呀﹗
    [版主回覆01/25/2012 05:00:31]執金袋度度地方都唔同. 幾得意架.

    回覆刪除
  7. 嘢食好正,收穫豐富.
    [版主回覆01/25/2012 05:00:45]吉喼去,full喼返

    回覆刪除
  8. 恭喜發財!萬事勝意!
    果蛋撻好貴呀!
    你真係思鄉情切!買咁多港產食物!幾時會回鄉探親呢?
    [版主回覆01/25/2012 05:02:13]未有plan回鄉

    回覆刪除
  9. 恭喜發財, 事事稱心!
    [版主回覆01/25/2012 05:02:22]萬事勝意!

    回覆刪除
  10. 恭喜發財!買到咁多心頭好,今年一定行好運!
    [版主回覆01/25/2012 05:02:29]萬事勝意!

    回覆刪除
  11. 有冇試下拎D執金袋黎封利是呢
    [版主回覆01/25/2012 05:03:00]我封舊金過你啦.

    回覆刪除
  12. 恭喜發財,新春大吉,龍年好運, 龍馬精神, 萬事如意,心想事成,龍馬精神,身體健康!
    [版主回覆01/25/2012 05:03:13]萬事勝意!

    回覆刪除
  13. 祝新年快樂!身體健康!^^嘩!咁遠水路入貨返去. . .
    [版主回覆01/25/2012 05:04:07]我呢度物資都幾缺乏.

    回覆刪除
  14. 出前一丁、維他奶、合味道杯面,嘩.............家鄉風味,貴貴都值得。
    [版主回覆01/25/2012 05:04:36]多多都托返去.

    回覆刪除
  15. 祝萬事如意, 身體健康!
    [版主回覆01/25/2012 05:04:49]新年快樂!

    回覆刪除
  16. 恭喜發財,萬事如意!我好鍾意行科隆。嗰隻印度脆脆薄餅叫 poppadom
    [版主回覆01/26/2012 18:44:46]開始唔相信yahoo search添. Papadom又search到有架. 會唔會係另一地方同一樣o野但係另一個名呢????
    [samwei回覆01/26/2012 03:28:38]叫 poppadom ar not papadom
    [版主回覆01/25/2012 05:05:29]DaDa話咗我知喇. 下次識order.

    回覆刪除
  17. 恭喜發財! Lemon curd 可以用嚟整蛋糕饀,好味。乜德國人食羊唔會配mint jelly? 我覺得呢兩樣係超夾。
    [版主回覆01/25/2012 05:07:39]mint jelly本地人超市冇架. 應該話jelly都冇. 佢地(奧地利人都係)唔食jelly架.

    回覆刪除
  18. 合味道特別合口味!
    [版主回覆01/25/2012 19:32:42]Yes!!

    回覆刪除
  19. 個到買既合味道會唔會有DEE唔同?
    [版主回覆01/25/2012 19:33:14]呢d全部係made in HK架.

    回覆刪除
  20. 祝妳心想事成,身體健康!
    [版主回覆01/25/2012 19:33:41]大家咁話.

    回覆刪除
  21. 蛋卷軟林林,放入低溫焗爐烘返脆就得啦...
    [版主回覆01/26/2012 01:34:38]其實我o個d係鳳凰卷. 我焗番佢仲衰. 一粒粒d糖熔咗.

    回覆刪除
  22. 依家喺香港超市都好少見到mint jelly啦. 鳳凰卷發咗潮, 不如試吓用風筒吹乾d鳳凰卷啦~~
    [版主回覆01/26/2012 18:45:26]用風筒真係得架??

    回覆刪除
  23. 揾到呢間超市,以後嚟入貨就正啦!^_^
    [版主回覆01/27/2012 05:08:38]以後都去o個度入貨

    回覆刪除
  24. 我記得好似叫papadum 以前喺超巿買過,有black pepper 同其他味道。
    [版主回覆01/28/2012 05:00:08]有blog友話係poppadom,又有人話係papadom. 我yahoo search好似係同一樣o野.

    回覆刪除
  25. 咁衰, 下次咪幫襯~~
    [版主回覆01/31/2012 04:24:39]唔知係咪啱啱呢罐

    回覆刪除
  26. 嘩﹗你就好啦﹗隨時出遊可以入到不少港貨。
    [版主回覆01/31/2012 04:25:20]都唔係隨時出遊架. 一年都係兩三次去德國咋.

    回覆刪除
  27. 這些港貨賣得貴唔貴?
    [版主回覆02/03/2012 23:51:04]同HK比貴. 一包麵0.6歐,杯麵1歐幾. 維他奶唔記得lu. 鳳凰卷8.9歐

    回覆刪除

入咗嚟,不如寫幾隻字,留個言啦.