2017年7月29日星期六

Barrio Fiesta & Lichterfest

7月23有去咗維也納市郊。呢日呢度好有星期日中環feel。。。

因為呢度有個每年一度嘅奧地利菲律賓僑民嘅活動Barrio Fiesta. 由賓賓friend口中得知呢個活動.
有手工藝品.
紀念品

奧地利菲律賓人好似好支持佢,包括我啲friends.
菜檔有好多從未見過嘅東東. 仲有菲律賓芒果,但係13歐1 kg覺得太貴,冇買。
賓賓原來都食蛋鹹。要問吓個friend佢哋用嚟煮乜先.
樓都有得買。
咁多檔口最靚係呢個.
 好多檔都有燒烤串。所以會場好有燒炭味.
Ice candy又係好多檔都有賣。即係我哋啲唧唧冰。
Longanisa 自己整過一次.試試正宗口味先。1€ 一條, 只有手公大小.好大蒜味,好甜。好食.
顏色好嚇人嘅紅腸。見好多人買,食一次唔死嘅。1,50€一條。味道比燒臘檔嘅紅腸淡。
最後買咗個海綿蛋糕。1,50€
亦有才藝表演。有評判的。



同日夜晚去睇Lichterfest煙花。企番喺老地方,唔使同人迫.
歷時15分鐘。











28 則留言:

  1. 你咁黑,有人同你講菲律賓話。

    回覆刪除
    回覆
    1. 呢度冇.但係試過喺啲奧地利鄉下地方,賓賓以為我係同鄉。

      刪除
  2. 奧地利多唔多菲律賓人?
    王子有無問過佢地點解咁支持總統?

    回覆刪除
    回覆
    1. 我覺得多架.
      話佢啲政策真係改善到民生。

      刪除
  3. 我呢邊都有好多賓賓,通常在超市或老人院工作,而你嗰邊會唔會有很多菲傭?

    回覆刪除
    回覆
    1. 我呢度啲賓賓多數做旅遊,服務業,因為佢哋英文得。

      刪除
  4. 依家香港假期又點止中環,所有屋苑公園天橋底都俾d賓印霸佔哂,連d老人家都冇位坐

    回覆刪除
  5. 香港現在不是比土生土長的香港人住, 是比國內人及外傭住的了.

    回覆刪除
  6. 睇來奧地利都唔少菲律賓人

    回覆刪除
  7. 今日新聞話維也納市郊有個湖上面起咗舞台,
    唔知用咗幾百萬歐元...
    你有無去過

    回覆刪除
    回覆
    1. 我最近去咗一個.唔知係咪你講嗰個。離維也納要個幾鐘車㗎。

      刪除
    2. 有表演...話用年幾喎

      刪除
    3. 咁可能唔係我去嗰個。

      刪除
  8. 我鍾意這種嘉年華會,有野食,有野睇。你玩足一日喎。

    回覆刪除
    回覆
    1. 兩個唔同活動。中間返過屋企㗎。

      刪除
  9. 你個賓賓friend無一齊嚟?
    鹹蛋係雞蛋定鴨蛋?
    有無試吓avocado ice candy?我覺得avocado應該係鹹食,但我知有人用avocado整雪糕
    你度咁多賓賓,有無賓賓餐廳或超市?我度都有幾間,我見間間都有halo halo賣,似乎係賓賓好興嘅甜品,你嗰日竟然唔見有
    你度啲賓賓多數係用咩途徑或簽證居留㗎?

    回覆刪除
    回覆
    1. 冇呀。我度冇鴨蛋㗎。佢用雞蛋整。
      冇試.avocado都冇味o既,鹹甜都得啦.
      賓賓餐廳全維也納只有一間.都係啲家常菜,賓賓friends唔會去.超市係印超兼賣囉.Halo halo我聽賓賓friends介紹過.可能因為冇雪糕賣啦.
      家庭團聚囉.

      刪除
    2. 家庭團聚 <-- 咁都要有家人首先移民過去先可以再攪家庭團聚㗎嘛,首先移民過去嗰啲賓賓係用咩途徑或簽證居留㗎?你啲賓賓friends又喺點呢?

      刪除
    3. 以前多數都係醫護外勞。而家部分係郵購新娘。

      刪除
  10. 咁奧地利有冇輸入菲傭(家庭傭工)?

    回覆刪除
    回覆
    1. 冇㗎。呢度最多只係搵鐘點。

      刪除

入咗嚟,不如寫幾隻字,留個言啦.