2017年7月19日星期三

Mark時間

早前同某blog友討論過我呢邊洗衫嘅問題。整理咗啲回應同大家介紹一吓啦.

新起嘅樓宇我見過都係冇洗衣機位。可能啲人慣咗用公家。乾衣機更加極少人擁有。乾衣機都係公用嘅. 但係呢度天氣乾燥,一兩日就乾。我唔用乾衣機㗎. 唔係住house啲人包括我都係晾喺房陰乾,冇人晾出窗口 
有洗衣機都係一個問題,呢度啲樓唔多隔音.我樓上嗰位一洗衫就好嘈。 
住公屋嗰啲仲要輪洗衣機添呀,一個月只可以洗一次衫.但就全日都係你用.我知有人因為要洗衫,嗰日要攞假。
其實唔係因為窮,我睇過一個(好似係日本嘅)電視節目講,瑞士都係咁。一個月洗一次衫,處埋一大堆。
我棟樓你想洗衫就要mark時間先。我住呢度有五十幾戶,只有一部洗衣機咋.你唔霸時間好難有空檔畀你囉. 

40 則留言:

  1. 同唔識嘅人用埋同一部洗衣機, 第一轉係咪要消左毒先呢?

    回覆刪除
    回覆
    1. 德國電視話洗衣機60幾度乜菌都死晒囉喎.

      刪除
  2. 歐洲出產咁多洗衣機你度竟然冇市場,其他國家一個家庭都唔止1部
    d衫積成個月掉咗佢啦
    咁鬼落後👎🏻

    回覆刪除
  3. 我都係唔晾衫出街。
    一個月先輪一次,d 衫即係一定要用手洗啦!

    回覆刪除
  4. 一個月咁耐,堆衫臭到暈,我接受唔到。

    回覆刪除
    回覆
    1. 呢度唔太出汗都接受到嘅。

      刪除
    2. 咁嘅奇聞要上TVB 東張西望 追擊下。
      你啲襪臭到死老鼠咁。
      所以止汗劑同香水個市場好大。要喪噴。
      所以你之前話唔會畀人哋入去你睡房參觀係咁解。

      刪除
  5. 要咁耐先洗一次衫,我相信除了懶人至可以這樣…五十多户一部機,咁平均每戶一年咪只有幾日可洗(如果每戶一用就要用成日的話)!

    回覆刪除
  6. 以前我住樓,就係無得涼衫,要在書房涼,閂門開暖氣24 小時。夏天就麻煩D。

    回覆刪除
    回覆
    1. 我估你度潮濕啲。我度夏天兩日一定乾。

      刪除
  7. 個節目我有睇,喺嫁到外國嘅日本太太...瑞士篇
    所以唔見有人喺屋外曬衫。
    我覺得好癲,全屋放哂臭衫褲,
    水電費唔記佢點計。
    你個度洗衣機幾錢?

    回覆刪除
    回覆
    1. 係呢個節目啦.
      有位放臭衫褲應該用個位安洗衣機.
      洗衣機價錢
      http://www.saturn.at/de/category/_waschmaschinen-445264.html

      刪除
  8. 似乎星期六下午同夜晚好多空檔喎,啲人出晒去浦?
    平日朝早都好多空檔,如果你可以晏啲返工咪唔霸時間都有得用囉
    啲衫晾乾之後會唔會好硬㗎?
    你唔用乾衣機係咪因為你棟樓無?乾衣機唔單止係乾衫,仲會令啲衫變柔軟,連衣物柔順劑都唔使落
    你樓上嗰位又有位裝洗衣機嘅?

    回覆刪除
    回覆
    1. 夜晚通常唔洗衫的。週末就睇天啦. 天氣好啲人出晒街就有得洗.
      有柔順劑嘛.唔硬喎. 乾衣機令啲衫變柔軟我又未聽過喎.
      唔知佢安喺邊.

      刪除
    2. 咁你洗啲大件啲嘅例如床單被袋,都係口房度晾乾?
      咁如果唔落柔順劑,啲衫就會好硬?我估你度啲水係軟水,應該唔落柔順劑都ok
      其實你試過用乾衣機未㗎?乾衣機攪動啲衫時會整鬆啲衣物纖維,所以乾完啲衫會柔軟,仲唔使點熨添
      德國電視話洗衣機60幾度乜菌都死晒囉 <-- 亦都有專家話熱水無用,話最好用乾衣機high heat drying for at least 28 minutes喎:
      http://time.com/4676920/washing-machine-germs/

      刪除
    3. 係呀。天然乾,慳錢又環保。
      我度啲水硬㗎。
      哈哈,我又真係未用過乾衣機.
      呢d專家都唔知信邊個好.

      刪除
    4. 未用過乾衣機就試吓啦,天然乾未必係最慳錢環保,因你要落柔順劑,呢啲化學野沖咗落大海咪又係污染,乾完衫又要熨衫都要用電
      乾衣機仲可以用嚟乾洗,但你要用乾衣機專用嘅乾洗劑
      其實最慳錢環保係放喺太陽下曬乾,紫外線仲可以殺菌添
      我就覺得熱水係可以殺菌但又唔可以殺晒所有菌,因就算傷風感冒病毒都不斷地變種,單憑熱水只可以殺啲無咁犀利嘅菌,而且部洗衣機嘅熱水夠唔夠60度你都唔知,除非你帶埋個溫度計去洗衣房 :p

      刪除
    5. 化學野沖咗落大海...有道理喎.
      60度殺菌,專家話咪信吓囉.

      刪除
  9. 下.....無洗衣機, 唔係MA~????
    我而家都係同人SHARE 用一部都已經覺得好煩同好DIRTY, 你地仲要成棟樓SHARE, OMG!
    我一定接受唔到呀!

    回覆刪除
    回覆
    1. 德國電視話唔dirty架.洗衣機60幾度乜菌都死晒囉喎

      刪除
  10. 要同人共用洗衣機?!!!@@....太髒了:P

    回覆刪除
    回覆
    1. 德國電視話洗衣機60幾度乜菌都死晒囉喎

      刪除
  11. 回覆
    1. 真係唔知點解佢哋有呢個諗法。

      刪除
  12. 我德國朋友住嗰度都係屋裏面無洗衣機, 要落basement用共用洗衣機, 乾衣機. 好彩佢嗰棟大厦好似得6-8戶人家, 所以通常都有得用. 我上次去佢度住時, 要洗衫都即刻有得洗.
    一個月洗一次衫就好難頂, 邊可以將啲污糟衫放一個月呀, 會臭架喎.

    回覆刪除
    回覆
    1. 你當時有冇少少抗拒唔想洗呢??

      刪除
    2. 無喎, 以前住慣宿舍或同人share house, 都係共同洗衣機, 所以無乜所謂, 況且當時無其他人得我一個人同個洗衣房之嘛.

      刪除
  13. 如果係香港夏天,一個月先洗衫,成屋都臭曬,我家宅男以前在瑞典住宿舍,都係一個星期洗一次衫。

    回覆刪除
    回覆
    1. 一個人o既衫,一個星期洗一次都正常.

      刪除
  14. 真係文化差異。。。 洗衫啫,要儲一個月,我接受唔到。。。 雖則話我們這些鍾意旅遊嘅人要感受當地文化,但如果我係當地生活,係唔影響到人的情況下會買一部。
    你有個卜友話齋,歐洲出咁多洗衣機,原來唔係歐洲人買嘅。

    回覆刪除
    回覆
    1. 搵位儲一個月嘅污糟衫都係一個難題。

      刪除
  15. 嘩!真係好難明白既文化一個月才洗一次衫?? 仲要咁多人共用一部??幾殺菌都係假啦,心理上過不到自己個關喎!!!

    回覆刪除
  16. 我試過到德國旅行,揾洗衣店洗衫,要三日後先有得攞返,結果揾到間自助的,但要留在店中等洗完轉過去乾衣機,攪幾個鐘。
    剛從蘇格蘭回來,那兒又係唔興用乾衣機,但蘇格蘭成日落雨,唔知佢地點整乾啲衫。又唔多覺有洗衣店,我地唯有在self catering cottage洗完用熨斗熨熨乾。

    回覆刪除
    回覆
    1. 天氣乾燥唔用乾衣機都OK,但係時時落雨又點乾呢?

      刪除

入咗嚟,不如寫幾隻字,留個言啦.